கழிநெடிலடி ஆசிரிய விருத்தப் பாக்கள்

அறுசீர் விருத்தம் (விளம்மாவிளம்மாவிளம்காய்)

பல நாட்டார் வருகைத் திருமணம்

நாளிதழ் வெளியிட் டும்படித் திருந்தேன்
நன்நிகழ் வதுநடக்க
நாடறிந் திராத ஆள்களும் நிகழ்வில்
நன்றிணை யவருகையாம்
ஐஞ்சுபத் துநாட்டில் தான்இருந் துமேசேர்ந்
இங்கிணைந் துமகிழவே
ஐங்கரன் அழகி சங்கவி தாம்சேர்ந்
இணையவூம் திருமணமாம்!

எழுசீர் விருத்தம் (விளம்மாவிளம்மாவிளம்விளம்மா)

கடவுள் வந்தால் உலகம் தாங்குமா?

என்றுமே கடவுள் தான்இருப் பதாக
எண்ணுவம் நமதுநெஞ் சிலதான்
என்செய லும்பின் பிறர்செய லும்தான்
என்கட வுள்எனத் தொடர
வெளியில கடவுள் ஏனென முழங்கும்
வேறுசி லருமென எதிராம்
வெளியில கடவுள் தான்வர இருக்கும்
வெளியில உலகமே வருமே!

எண்சீர் விருத்தம் (காய், காய், மா, தேமா, காய், காய், மா, தேமா)

எவரும் உலகைத் திருத்த வழிகாட்டலாம்

உலகைத்தான் நம்மனிதர் சீர்அ ழிக்க
உலகைத்தான் யார்படைத்தான் யார்தான் கண்டார்
உலகைத்தான் மாற்றுவதாய் ஆளாள் போட்டி
உலகைத்தான் மேம்படவைக் கத்தான் யாரோ
உலகம்தான் சீரழியா வண்ணம் யார்தான்
உலகைக்காக் கத்தான்முன் வருவார் தானே
உலகம்மேம் பட்டால்தான் இருப்போம் நாமே
உலகில்நாம் வென்றிடவாழ் வோம்தான் நேரே!

இப்பதிவினை முழுமையாகப் படிக்கக் கீழ்வரும் இணைப்பினைச் சொடுக்குக. http://www.ypvnpubs.com/2019/06/blog-post.html

 

ஆசிரியப்பா_வெண்பா_வஞ்சிப்பா

கதையும் வெண்பாவும்

Don’t Laugh more. One day you will cry.
என்றொரு ஆங்கிலப் பழமொழி இருக்காம்.- அதை
அதிகம் சிரிக்காதீர். ஒரு நாள் அழவும் நேரும்.
என்றவாறு தமிழ் மொழிப்படுத்த முடியுமாம். – அதை
தவறாகப் புரிந்துகொண்டு ஊருக்குள்ளே கலகமாம்.
எப்படியோ இது என் காதுக்கு எட்ட
எடுத்தேன் எழுதுகோலை வடித்தேன் பாவொன்று!
படித்தவர்கள் சுவைத்ததைப் பகிர்ந்தால் தெரியுமே!

தானறியா ஆங்கிலமே தன்நிலைக்குத் தந்திடுமே
கேடென்று எத்தனை யாள்தான் – அறிந்து
உணர்ந்துதான் நல்லறிவும் மென்மொழியில் சொல்லலாமே
சிங்களந்தான் தானறியார் பேச்சு.
(பல விகற்ப இன்னிசை வெண்பா)

சிங்களந்தான் தானறியார் துன்புற்றுப் பட்டாரே
எங்கள் தமிழர்புண் சாட்டு!
(ஒரு விகற்பக் குறள் வெண்பா )

சிங்கள மொழி புரியாமல் தமிழுறவுகள் பலர் புண்பட்ட கதையறிந்தும் ஆங்கில மொழிமாற்ற முயற்சியென வலை ஊடகங்களில் பரப்புவதால் பாதிப்புத் தான் பரிசாகக் கிட்டும். வலை ஊடகங்களில் வீண் தகவல் பரப்புவோர் புரிந்துணர்வுடன் செயற்படுங்கள்.

கற்றதனாலாய பயன் – பல விகற்ப இன்னிசை வெண்பா
கல்விதான் கற்றவர் என்றும் மகிழ்ந்திடவே
நல்ல தொருசொத்தாம் நீயும் – புரிந்துணர்
கற்றுத் தெளிந்துமே நாலுகா சும்உழை
பெற்றுக்கொள் நன்மதிப்பு என்று!

முழுமையான பதிவைப் படிக்க, கீழ்வரும் இணைப்பைச் சொடுக்குக.
http://www.ypvnpubs.com/2019/05/blog-post_14.html

நல்ல நண்பர்கள் தேவை!

2019 சித்திரைப் புத்தாண்டையொட்டி ஆசிரியப்பா – மரபுக்கவிதைப் போட்டி அறிவிப்புச் செய்தேன். (https://yarlpavanan.wordpress.com/2019/04/15/2019-சித்திரைப்-புத்தாண்டைய) பலரும் பங்கெடுக்காமை துயரம் தருகிறது. மின்னஞ்சலில் அனுப்பாது கருத்துக்களத்தில் பதிவு செய்யுமாறு கேட்டது தவறோ தெரியவில்லை. நான் தொடர்ந்தும் வலைப்பக்கம் வருவேன். முகநூலில் மூழ்கியோரை வலைப்பக்கம் இழுத்துவர முயற்சிப்பேன்.

இலங்கையில் Facebook, Instagram, Youtube, whatsup, viber தடை. அப்ப வலைப்பக்கம் வாங்க என்றழைக்கிறது இனிய வலைப்பூக்கள்.

நல்ல நண்பர்கள் தேவை!
நண்பர்கள் எம்மை நாடி வரலாம்.
நண்பர்களைத் தேடி நாம் போகலாம்.
“ஆயிரம் நண்பர்களை இணைத்தாலும் கூட
ஓர் எதிரியைக் கூட ஏற்படுத்தி விடாதே!” என
பாவரசர் கண்ணதாசன் சொல்லிவைத்தார்!
நண்பர்களை அணைக்கத் தான்
நானும் விரும்புகின்றேன்.
நண்பர்கள் எதிரியாவதைக் கண்டதும்
நானும் ஒதுங்குகின்றேன்.
எதிர்ப்பட்ட எதிரியும் நண்பராகலாம்
எச்சரிக்கையாகப் பழகுகின்றேன்.
நண்பர்களே வேண்டாமென
நானும் ஒதுங்கவில்லை – இத்தால்
நண்பர்கள் தேவையெனக் காத்திருக்கிறேன்.
நண்பர்களால் வானுயரப் புகழீட்டிய
நண்பர்களால் தான் உணர்ந்தேன்
நண்பர்கள் எனக்குத் தேவை என்றே!
நண்பர்கள் இல்லையென்றால் – தனக்கு
உளநோய் தான் வந்திருக்குமென
நண்பர்கள் சொல்லித் தான் அறிந்தேன்
நண்பர்கள் கூட நல்மருந்தென்றே!
என்னை நண்பர் ஆக்குங்கள்…
என்னை எதிரி ஆக்காதீர்கள்…
நான் எதிரியாவதை விட
நல்ல நண்பராகவே இருந்துவிடுகிறேன்!
நல்ல நண்பர்களால்
நானும் நீடூழி வாழலாமென்ற
தன்நலம் கருதியே அழைத்தேன்
நாளையாவது நல்ல நண்பர்களாக
நாமிருக்கலாமென்றே!

நாட்டுப் பற்றாளர் ஆகலாமே!

பாட்டு ஒன்று பாடப் போறேன் – அதை
கேட்டு நின்று காதில போட்டுப் பாரேன்!
(பாட்டு)

நாட்டுச் சூழல் அமைதி அற்றுப் போச்சு
சாட்டுக் கூறித் தீர்வு சொல்லப் போறேன்!
(நாட்டு)

தரை வழியே குடியில் மூழ்கிக் கிடப்பதும்
தெரு வழியே புகையிலை பத்தி அழிவதும்
மறைவினில் மாற்றான் பெண்ணைக் கெடுப்பதும்
அடுத்தவன் சொத்தைக் கொள்ளை அடிப்பதும்
எடுத்ததுக்கு எல்லாம் திரைப்படங்களே வழிகாட்டி!
தீர்வாகக் கெட்டதிரைப படங்களை அழிக்கலாமே!
(பாட்டு), (நாட்டு)

விளம்பரங்கள்  ஊடகங்களுக்கு ஆடைகள் ஆனதால்
ஆங்காங்கே பாலுணர்வு தூண்டப் படுவதனால்
இளசுகள் சீர்கெட்டும் பண்பாடும் சீரழிகிறதே!
எந்தவுரை ஏடுகளைப்  படித்துப் பார்த்தாலும்
இளசுகள் கெடுவதற்கு வழிகாட்டும் பதிவுகளே!
தீர்வாக வேண்டாத விளம்பரங்களை விரட்டலாமே!
(பாட்டு), (நாட்டு)

இளசுகள் கூடிவாழத் தொலைக்காட்சி குறுக்கீடாம்
மலட்டு இணையர்கள் மலிந்து போச்சாம்
வீடுகளில் சமையல் சரிப்பட்டு வராதாம்
கடைச் சாப்பாட்டால் கடன்தான் அதிகமாம்
தொலைக்காட்சித் தொடர்கள் வாழ்வைச் சீரழிக்குமாம்
தீர்வாக வாழ்வழிக்கும் தொடர்கதைகளைத் துரத்தலாமே!
(பாட்டு), (நாட்டு)

சுற்றுலாவென வெளிநாட்டார் வந்து குவிவதும்
வெளிநாட்டார் பழக்கங்கள் நாட்டில மலிவதும்
பண்பாட்டை மீறுகின்ற ஆடைகள் அணிவதும்
வரலாறு காண்டிராத வாழ்க்கை சீரழிவதும்
நாளைய தலைமுறை நலமின்றிச் சாகுமாம்
தீர்வாகப் பண்பாடழிக்கும் சுற்றுலாத்துறையை மூடலாமே!
(பாட்டு), (நாட்டு)

கற்றவரும் மற்றவரும் தன்நலமாம் பாரும்
கன்னியரும் தாய்மாரும்  கனவிலே உலாவாம்
பெற்றோரும் பிள்ளைகளைக் கவனிக்காராம்  பாரும்
பிள்ளைகளோ படிப்பின்றித் தெருவிலே உலாவாம்
பொறுப்பானவர் பற்றின்மையே நாடழியும் கேவலமாம்
தீர்வாக எல்லோரும் நாட்டுப் பற்றாளர் ஆகலாமே!
(பாட்டு), (நாட்டு)

முழுமையான பதிவைப் படிக்க
http://www.ypvnpubs.com/2019/03/blog-post_27.html

சமவுரிமை கேட்டுப் புறப்படு பெண்ணே!

தாய்க்கு நிகராக இன்னொருவள் இங்கில்லை

தாய் இல்லாமல் நானும் இங்கில்லை – அந்தத்

தாய்க்குலம் அடைகின்ற துயரிற்கு அளவில்லை

தாய்மைக்குத் துணைபோன ஆணிற்கும் உணர்வில்லை

பிள்ளையைச் சுமந்தீன்ற பெண்ணிற்கு மதிப்புமில்லை

பெண்களென்றால் ஆணிற்குப் பணிந்தவள் என்றில்லை

முயன்றால் பெண்களாலும் முடியாதது ஒன்றுமில்லை

சமவுரிமை கேட்டுப் புறப்படு பெண்ணே பொங்கியெழு!

வீட்டிற்குவீடு வாசல்தான் இல்லாமல் இல்லை

வீட்டுக்காரி வீடுவாசல் கூட்டாமல் இருந்ததில்லை

வீடுகழுவி மெழுகியவளை ஆண்கள் நினைப்பதில்லை

தேனீர், சாப்பாடு பிந்தினால் பெண்ணைத் திட்டாதவரில்லை

சமையலுக்குத் துணைக்கு வாவென்றால் ஆண்களில்லை

துணைக்குப் படுக்கப்பெண் இன்றியாண் தூங்கவில்லை

ஆணுக்குப் பெண்ணென்றும் நிகராகஎழு அழிவில்லை

சமவுரிமை கேட்டுப் புறப்படு பெண்ணே பொங்கியெழு!

ஆண்களுக்கு மீசைவைச்சாலும் எப்பனும் அழகில்லை

கறுப்பியானாலும் பெண்ணழகிற்கு ஈடான ஆணில்லை

என்னவோ வீடுகளில பெண்ணுக்குத் தொடரும்தொல்லை

வீட்டுக்காரரின் உடுப்புக் கழுவாட்டிலும் கணவர்தொல்லை

வழிநெடுகப் பெண்களை மேய்கின்றவரால் வழித்தொல்லை

செயலகத்தில் ஆளுமைகளின் மேய்ச்சலால் உளத்தொல்லை

தொல்லையின்றி விடுதலைபெறப் பெண்கள் எழாமலில்லை

சமவுரிமை கேட்டுப் புறப்படு பெண்ணே பொங்கியெழு!

பெண்வயிற்றில் பிறந்தவங்க பெண்ணைப் புரிவதில்லை

பெரியவளானால் வீட்டில நெருக்கடி கொஞ்சமில்லை

அழகியானால் தெருப்பொடியள் தொல்லை எல்லையில்லை

ஈர்பத்தானால் திருமணமெனப் பெற்றவருக்கு ஓய்வில்லை

திருமணமானால் புகுந்தவீடு சிறையைவிடத் தோற்றதில்லை

படுக்கையறையில கணவனின் தொல்லைக்குக் குறைவில்லை

பிறப்புக்கும் இறப்புக்கும் இடையில பெண்ணுக்கு ஓய்வில்லை

சமவுரிமை கேட்டுப் புறப்படு பெண்ணே பொங்கியெழு!

மிகுதியைத் தொடர கீழ்வரும் இணைப்பைச் சொடுக்குக.
http://www.ypvnpubs.com/2019/03/blog-post_8.html

 

மொட்டை மீது பெட்டைக்குக் காதல்

அகவை ஐம்பது தான் ஆனாலும் கூட

ஆளைப் பார்த்தால் இருபது மதிக்கலாமாம்

எனக்கிருக்கிற நோய்களைக் கணக்கெடுத்தால்

அகவை எண்பதைத் தாண்டியிருப்பேன்!

அகவை பதினெட்டையும் தாண்டாத வாலை

மொட்டை என்றாலும் அழகாய் இருக்கிறியள்

கட்டையர் என்றாலும் மிடுக்காய் மின்னுறியள்

சட்டைப் பைக்குள்ளே காசும் தலைகாட்டுது

தனக்குத் தாலி கட்டினால் வாழலாமென

தெருத்தெருவாய் பின்தொடர்ந்து அலைந்து வந்தாள்!

மொட்டைத் தலையில மயிரை நட்டாலும் கூட

முளைக்க வாய்ப்பு இல்லைப் பிள்ளை…

கட்டையரானாலும் கட்டையில போகிற அகவையணை

சட்டைப்பைக் காசு காற்றில பறந்தால்

தெருவில வெள்ளைச் சேலை விரித்து

பிச்சை எடுத்தாலும் கூட நாலு காசு தேறாது

பெட்டைப் பிள்ளாய் உனக்கெங்கே ஏறப்போகுது

நானென்ற விறகுக் கட்டை சுடலைக்கே

விடலைப் பெட்டையே பெத்தவர் பேச்சுப்படி

பணக்காரப் பிஞ்சுப் பொடியனைப் பாரடி

சாகும் வரை கொஞ்சிக் குலாவி வாழலாமடியென

நானும் எப்பன் எட்டாத் தொலைவில விலகினேன்!

சொல்லுக் கேளாக் குமரிப் பெட்டை

வில்லுப் பாட்டுக்கு ஆமாப் போடுமாப் போல

தெருவழியே சொல்லுறதை கேட்டுக்கொண்டு வந்தவள்

சாகப் போகிற பழுத்த கிழத்தை

நாடாமல் ஓடித் தொலையடி என்றால்

குமரிமாதிரி ஒல்லிக் குச்சியாய் நானிருந்தாலும்

அகவை நாற்பத் தெட்டாச்சுப் பாருங்கோ

கிழட்டுக் காதலும் பழுத்தோர் மணமுடிப்பும்

ஆயுளைக் கொஞ்சம் நீட்டுமென் றெல்லோ

உங்களை நாடி வழிகிறேன் என்றாளே!

மிகுதியைத் தொடர கீழ்வரும் இணைப்பைச் சொடுக்குக.
http://www.ypvnpubs.com/2019/03/blog-post.html

படம் ஒன்று துயர் ஒன்று பாக்கள் பல…

இலக்கணத்தைக் கவனிக்காது நானெழுதும் பாக்கள்

எனக்கு இனிக்கத் தான் செய்கிறது.
இலக்கணத்தைக் கவனித்து நானெழுதினால் தானாம்
நானெழுதியது பாக்கள் தானெனக் கவனிப்பினமாம்!
எனது முயற்சிகளைத் தங்களுடன் பகிருகிறேன்.
தங்களுக்குமிவை சுவையாக இருப்பின்
மகிழ்வேன் நானே!

இலக்கணம் கவனிக்காது நேரடியாக நானெழுதிய பாவிது.

தெருவில விபத்தால் மனிதன் சாகத்துடிக்க – அதே
தெருவால வந்தவர் நடைபேசியால படம்பிடிக்க
விபத்தில் சிக்கியவர் சாவு!
1 புதுக்கவிதை
தெருவில தான் விபத்தில தான்
மனிதன் தான் சாகத்துடிக்கிறான் பார்
அந்தத் தெருவால தான் வந்தவர் தான்
தன் நடைபேசியால தான் படம்பிடிக்கிறான் பார்
விபத்தில சிக்கியவர் தான் சாவுற்றான் பார்!

2 துளிப்பா (ஹைக்கூ/ஐக்கூ)

தெரு விபத்தில மனிதர்
சாகத் துடிப்பதையே பார்க்கிறோம்.
படம் பிடிக்கவும் ஒருவர்…

3 இயைபுத் துளிப்பா (லிமரைக்கூ)

விபத்தில ஒரு மனிதர்
தெருவில சாகத் துடிக்கிறாராம்.
படம் எடுக்கவும் மனிதர்

4 மகிழ்வூட்பா (க்ளெரிஹ்யு)

விரைவாயோடும் ஊர்திகளும் தெருவிலோ அதிகம்.
விபத்துகளால் சாகும்மனிதரோ தெருவில்தான் அதிகம்.
தெருவால போக்குவரவு செய்வோருக்கோ வேடிக்கை.
விபத்தில்சிக்கிச் சாவோரைப் படம்பிடிப்போரும் வாடிக்கை.

5 குறும்பா (லிமரிக்)

தெருவிலதான் விபத்துத்தான் நாடு

தெருச்சாவாம் மலிவாச்சுப் பாடு
சாகத்தான் துடிப்போரைய்
சாகவிட நினைப்போரைய்
தெருவில்பார் படமெடுப்பார் கேடு
6 இரு விகற்பக் குறள் வெண்பா
தெருவிபத்தில் சாகத்து டிக்கிறதும் நல்மனிதர்
தீயவர்பெற் றப்படமே வேட்டு.
7 இணைக்குறள் ஆசிரியப்பா
தெருவில மனிதனே விபத்தில் சிக்கினால்
தெரியுமே அவர்படும்
துடிக்கிற துடிப்பு
சாகவே துடிக்கிற மாதிரி
இருக்கும் போதும் தீயோர்
எடுப்பரே நடைப்பே சிப்படம் தெருவிலே!
8 நேரிசை ஆசிரியப்பா
தெருவில விபத்தில மனிதன் சிக்கலாம்
விபத்தில் சிக்கிச் சாகலாம்

நடைபே சியாலதைப் படம்பிடிக் கிறாங்களே!

 

9 பல விகற்ப இன்னிசை வெண்பா
தெருவில்தா னந்தவிபத் தில்மனிதர் சாவாரோ
அத்தெருவில் வந்தவர்தான் தன்நடைபே சிக்குள்ளே
அவ்விபத்தில் சிக்கியவர் சாவதைப்ப டம்பிடிக்க
உள்ளம்தான் நாடுந்தான் கெட்டு.
10 தரவு கொச்சகக் கலிப்பா
தெருவிலதான் விபத்திலதான் மனிதர்தான் உடன்சாக
தெருவால வரும்போவோர் திறன்பேசிப் பயனாக
விபத்திலதான் முடங்கியவர் எழமுடியா தவர்சாக
விபத்தால நடந்ததையே படமாக்கும் முடவர்தாம்!
11 குறளடி வஞ்சிப்பா
தெருவோரமா விபத்திலவிழ
மனிதரவரே முடியும்கதை
படமெடுக்கிற முடவருக்கென
திறன்பேசியாம்
உயிரைக் காக்கவே உதவா தார்யார்

தன்னுயிர் நிறுத்தம் வந்திட அறிவார்!

குறிப்பு: நான் வெளியிடவுள்ள “அலைகள் ஓய்வதில்லை!” என்ற அச்சடித்த கவிதைப் பொத்தகத்தில் இடம் பிடித்த கவிதை வகைகளின் தொகுப்பே இவை.
%d bloggers like this: