கவிதை எழுதப் பழகலாம் வாங்க!

tamillanguage-l

நல்ல தமிழ் சொல்களாலான வரிகள், உணர்வு வீச்சாக அமைய,
ஓசை நயம் வந்தமர, எதுகையும் மோனையும் கூடிவர, வாசிப்பவர் மீள மீள வாசிக்கத் தூண்டும் வரிகளாக அமைந்தால் கவிதை எனலாமென நண்பர் ஒருவர் எனக்கு மதியுரை கூறினார். அதன்படிக்குக் கீழ் வரும் பகுதியைக் கவிதையாக்க முனைகின்றேன்.

கவிதைக்கான சூழல்:
கடின உழைப்பின் பயனாக ஈட்டிய பணத்தில் சமையல் பொருள்கள் அப்பா வேண்டிவர, அரைப் பட்டினியாக இருந்த அம்மாவும் சட்டுப் புட்டென உணவு ஆக்கிவிட்டார். வறுமையைத் தெரியாத வண்ணம் பிள்ளைகளுக்கு அப்பெற்றோர் அன்றைய உணவை ஊட்டி மகிழ்ந்தனர். பெற்றோர் இவ்வாறு பிள்ளைகளை வளர்க்க; பிள்ளைகள் பெற்றோரின் நிலையை உணர்ந்து கல்வியில் சிறந்து விளங்க வேண்டும். அதுவே தமக்கும் தம்பெற்றோருக்கும் தம் நாட்டுக்கும் செய்கின்ற நற்பணியாகும்.

இச்சூழலுக்கு ஏற்ற கவிதை எது?
1.
கடின உழைப்பின் பயனாக ஈட்டிய பணத்தில்
சமையல் பொருள்கள் அப்பா வேண்டிவர,
அரைப் பட்டினியாக இருந்த அம்மாவும்
சட்டுப் புட்டென உணவு ஆக்கிவிட்டார்.
வறுமையைத் தெரியாத வண்ணம் பிள்ளைகளுக்கு
அப்பெற்றோர் அன்றைய உணவை ஊட்டி மகிழ்ந்தனர்.
பெற்றோர் இவ்வாறு பிள்ளைகளை வளர்க்க;
பிள்ளைகள் பெற்றோரின் நிலையை உணர்ந்து
கல்வியில் சிறந்து விளங்க வேண்டும்.
அதுவே
தமக்கும் தம்பெற்றோருக்கும் தம் நாட்டுக்கும்
செய்கின்ற நற்பணியாகும்.

*இப்படிக் கட்டுரை வரிகளைத் துண்டு துண்டாக எழுதினால் கவிதை அமைந்துவிடாதே!

2.
பகலவன் எரிந்தெரிந்து ஒளி தருவது போல
அப்பாவும் கடுமையாக உழைத்து
வருவாயோடு வருகையில் தான்
அரைப் பட்டினியோடு கிடந்த அம்மா
அடுப்பில உலை வைத்துச் சமைப்பார்!
வறுமையின் தாக்கமும் குடும்பத் துயரும்
பிள்ளைகளறியா வண்ணம் உணவூட்டி வளர்த்த
பெற்றோருக்குப் பிள்ளைகள் படித்து அறிஞராகணுமே!
இன்றைய படிக்கிற பிள்ளைகளை நம்பியே
நாளைய நம்நாடு முன்னேறக் காத்திருக்கிறதே!

*எனது நண்பர் சொன்னபடி கவிதை ஆகவில்லையே! ஒரு படி முன்னேறினாலும் கவிதை அமைய முயல வேண்டும்

3.
281 நாள் எம்மைச் சுமந்த அம்மா
அரைப் பட்டினியாக முழுப் பட்டினியாக
தான் நொந்தும் பிள்ளை நோகாமல்
பகலவனைப் போல எரிந்தெரிந்து உழைத்தே
பணமீட்டிச் சமையல் பொருளோடு வர
வீட்டில சமையல் சாப்பாடு நிகழுமே!
வறுமையும் துயரமும் பிள்ளைக்குத் தெரியாமல்
நாளும் தப்பாமல் பட்டினி போடாமல்
அன்பும் அறிவும் ஊட்டி பிள்ளைகளை
வளர்த்தெடுப்பதில் பெற்றோர் பங்கு உயர்வானதே!
பெற்றோர் பிள்ளைகளுக்கு ஆற்றும் பணிக்கு
பிள்ளைகள் தம் அறிவைப் பெருக்கி
ஊருக்கும் நாட்டுக்கும் நற்பணி ஆற்றலாமே!

*இதெல்லாம் கவிதையென்றால், உண்மையான கவிதையை என்னவென்று சொல்லலாம். முயன்றால் முடியாதது ஏதுமில்லை.
………………………………..

முழுப் பதிவையும் படிக்க எனது முதன்மைப் பக்கம் வருக.
http://www.ypvnpubs.com/2018/10/blog-post_6.html

One Response

  1. Gevng bro
    On 15 Oct 2018 04:51, “யாழ்பாவாணனின் வலைப்பதிவுகள்!” wrote:

    > [image: Boxbe] This message is eligible
    > for Automatic Cleanup! (comment-reply@wordpress.com) Add cleanup rule
    >
    > | More info
    >
    >
    > yarlpavanan posted: ” நல்ல தமிழ் சொல்களாலான வரிகள், உணர்வு வீச்சாக அமைய,
    > ஓசை நயம் வந்தமர, எதுகையும் மோனையும் கூடிவர, வாசிப்பவர் மீள மீள வாசிக்கத்
    > தூண்டும் வரிகளாக அமைந்தால் கவிதை எனலாமென நண்பர் ஒருவர் எனக்கு மதியுரை
    > கூறினார். அதன்படிக்குக் கீழ் வரும் பகுதியைக் கவிதையாக்க முன”
    >

    Like

Comments are closed.

%d bloggers like this: