புதுப்பா (புதுக்கவிதை) புனையலாம் வாருங்கள்!


எழுதுகோல் ஏந்தினால் போல
குவியும் சொல்களும் பாட்டாகுமோ?
பாப்புனையக் கொஞ்சம் படியுங்கோவேன்!
எதுகைக்காகப் புதுவழி தேடினேன்
எதுவாயினும் புதுமுகங்களாகத் தான்
எங்கெங்கும் கண்டேன்! – அங்கே
மோனைக்காக மோகனாவில் மோதினேன்
மோகனாவும் மோதினாள் பதிலுக்கு
மோதியதால் தெருவிலே விழுந்தேன்!
உவமைக்காகக் கொளுக்கட்டை போல
விழுந்ததால் வீங்கியதென் கைதானென
விழுந்ததன் விளைவைச் சொன்னேன்!
எடுத்துக்காட்டுக்குச் சாட்டாக
விழுந்து கிடந்த என்னை
கடவுள் போல வந்தங்கே
தூக்கி நிமிர்த்தினாள் ஊர்வசி!
மேற்கோளுக்குள் காட்டவென ஒன்று
“நானென்று பேர்சொல்லி நடைபோடு
ஏனென்று கேட்போரை எடைபோடு!” என்று
பாவரசர் கண்ணதாசன் சொன்னவாறு
என்றும் உதவும் உள்ளங்களே – துணிவோடு
உங்கள் பணியைத் தொடருங்களேன்!
முடிவாகச் சொல்லப் போனால்
பிறருக்கு உதவும் எண்ணம்
எல்லோருக்கும் இல்லைத் தானே!
பாப்புனையக் கவியாக்கத் தேவை
எதுகை, மோனை, உவமையோடு
எடுத்துக்காட்டு, மேற்கோள், முடிவென
சொல்களை எடுத்தாள முயன்றால்
தமிழ்ப்பா புனையலாம் வாருங்கள்!

Advertisements

கதை சொல்லும் கவிதைகள் சில…

நம்மாளுங்க திருந்துவாங்களா?

ஒரே பகலவன் ஒரே நிலவவள்
ஒவ்வொரு நாளும் விடிகிறது
நம்மாளுங்க மட்டும்
பழசுகளை எண்ணி எண்ணி
ஒவ்வொரு நாளையும்
வீணாக்குவதை விட்டிட்டு
விடிய விடியப் புதியதை எண்ணி
விடிய விடிய நல்லதை எண்ணி
நீடூழி வாழ மறந்தே வாழ்கிறாங்க!

குற்றம்

மாதவி வீசிய பூமாலை
கோவலன் கழுத்தில் விழுந்ததால்
மதுரையை எரித்தாள் கண்ணகி!

இதனையொட்டி இப்படியும் எழுதினேன்.

மாதவியும் கற்புக்கரசி தான்
அழகான ஆடற்காரி தான்
ஆண்களை
மயக்கி வீழ்த்தாதவள் தான்
ஆயினும்
அவளுக்குத் துணை வேண்டித் தான்
அரங்கிலே
அவளுக்கு வீழ்ந்த மாலையைத் தான்
ஆங்கே வீசுவேன், எவர் கழுத்தில் தான்
வீழுமோ, அவரே
தன் கணவன் என்றவள் தான்
கோவலன் கழுத்தில் மாலை விழத்தான்
மாதவியும்
கோவலனைத் துணையாக்கினால் குற்றமா?
சுற்றம் தெரிந்த
கண்ணகியின் துணைவன் தான்
உண்மை சொல்லி ஒதுங்காமையே குற்றம்!

இது ஒரு கதையல்ல, பலரது கதை!

27979756279_aace6ed6f0_o

1 – நல்ல நாயொன்று எவளோ வீசிய குழந்தையைத் தெருக்குப்பைக்குள்ளே காண்கிறது.
2 – குழந்தையைக் கண்ட நாய் வாயால் கவ்வித் தூக்கிச் செல்கிறது.
3 – வாயால் கவ்வித் தூக்கிச் சென்ற நாய், குழந்தையை மருத்துவமனைக்குச் சேர்ப்பித்து உதவுகிறது.
4 – மருத்துவமனையில் குழந்தையை மருத்துவர்கள் சோதனை மேல் சோதனை செய்கின்றனர்.
5 – மருத்துவமனையில் நாய்ப் பல் படாமலும் நோய்த் தொற்று இல்லாமலும் குழந்தை நலமாக உள்ளதாம்.

இது செய்தி, இதற்கான என் பாவண்ணம் கீழே

ஒருவர் விருப்புக்கு
ஒருவர் இணங்கியதால்
மகிழ்ந்த நேரம் கழிந்த பின்
மலர்ந்த கருவுறல் நிகழ்வு
இருண்ட பெண்ணின் கருவறையில் நிகழ
உண்மைக்குச் சான்றான தாய்மை
தெருவிற்கு எட்டாமல்
281 நாள் மறைந்த பெண்
ஈன்றெடுத்த குழந்தையை
தெருக் குப்பையிலே போட்ட பின்னர்
தப்பித்துக் கொள்ள முயன்றிருக்கிறாள்!
தெருவின் ஒரு கரையில்
உலா வந்த நல்ல நாயொன்று

முழுப் பதிவையும் படிக்க, எனது முதன்மைப் பக்கம் வருக. http://www.ypvnpubs.com/2018/01/blog-post.html

படத்திற்குக் கவிதை எழுதுங்கள் பார்ப்போம் 

26230076_1832538130121801_6496534663133271435_n

படத்தைப் பார்த்தீர்களா? நம்ம பிள்ளைகள் பூங்காக்கள் போய் காதலில் மூழ்கித் தங்களை மறந்து தவறு செய்த பின், செய்த தவறின் பரிசாகக் கிடைத்த குழந்தைகளைத் தெருவில் போட்டுச் செல்கின்றனர். இந்நிலை மேற்கத்தியப் பண்பாட்டில் இருந்து தமிழ் பண்பாட்டிற்குத் தொற்றிய நஞ்சு தான். இந்த நஞ்சுப் பழக்க வழக்கங்களைத் தமிழ் பண்பாட்டிலிருந்து விரட்ட வேண்டும். இந்தப் பணியை மேற்கொள்ளப் பாவலர்கள்/கவிஞர்கள் ஆகிய நீங்கள், உங்கள் பாத்திறம் /கவியாற்றல் மூலம் நல்ல தீர்வினை முன்வையுங்கள் பார்ப்போம்.

படத்திற்கு எழுதிய கவிதையை அனுப்ப,
கீழ்வரும் இணைப்பைச் கொடுக்குக.
https://seebooks4u.blogspot.com/2018/01/2018-2.html

பொங்கிடும் வீட்டினில் உள்ளம் நிறைந்திடுமே…

தங்களுக்கும் தங்கள் குடும்பத்தாருக்கும் இனிய தைப்பொங்கல் வாழ்த்துகள்.

26230100_1838434816198799_613629489662959723_n

நம்பிக்கை தான்
வாழ்க்கையின் முழுப் பலம்

பொங்கல் பரிசாக…

ராஜேந்திரனின் எண்ணங்கள்
https://app.box.com/s/fhkctfsa8l9qxymfvlipyknwu14f3t6b

பார்க்கலாம், படிக்கலாம், பதிவிறக்கலாம், பகிரலாம்

 

2018-2 மின்நூல் வெளியீடும் பரிசில் வழங்கலும்

படத்திற்குக் கவிதை எழுதுங்கள் 26230076_1832538130121801_6496534663133271435_n

படத்தைப் பார்த்தீர்களா? நம்ம பிள்ளைகள் பூங்காக்கள் போய் காதலில் மூழ்கித் தங்களை மறந்து தவறு செய்த பின், செய்த தவறின் பரிசாகக் கிடைத்த குழந்தைகளைத் தெருவில் போட்டுச் செல்கின்றனர். இந்நிலை மேற்கத்தியப் பண்பாட்டில் இருந்து தமிழ் பண்பாட்டிற்குத் தொற்றிய நஞ்சு தான். இந்த நஞ்சுப் பழக்க வழக்கங்களைத் தமிழ் பண்பாட்டிலிருந்து விரட்ட வேண்டும். இந்தப் பணியை மேற்கொள்ளப் பாவலர்கள்/கவிஞர்கள் ஆகிய நீங்கள், உங்கள் பாத்திறம் /கவியாற்றல் மூலம் நல்ல தீர்வினை முன்வையுங்கள் பார்ப்போம்.

தலைப்பு: இது தான் காதலா?

பரிசு: 500INR பெறுமதியான பொத்தகங்கள்

வசதி: மின்நூலாக்கி வெளியிடுவோம்

கட்டுப்பாடு: 10-20 வரிகளில் மரபுக் கவிதை / புதுக் கவிதை. பின்னூட்டங்களில் வரும் கவிதைகள் ஏற்கப்படமாட்டாது.

கவிதைகள் வந்து சேரவேண்டிய முகவரி: wds0@live.com

மின்னஞ்சலுக்கான தலைப்பு (Subject): ‘2018-2 மின்நூல் வெளியீடும் பரிசில் வழங்கலும்’ என்றவாறு இருக்க வேண்டும்.

கவிதைகள் அனுப்புவோர்: PP Size படம், பெயர், முகவரி, முகநூல்/வலைப்பக்க முகவரி, நடைபேசி எண் ஆகியன இணைத்து அனுப்பவேண்டும். குறித்த மின்நூலில் தங்களை அறிமுகப்படுத்த அதுவே பயன்படும்.

முடிவு நாள்: 10/02/2018

வெளியிடுவோர்: யாழ்பாவாணன் வெளியீட்டகம்

மின்நூல் வெளியீடு: 08/03/2018

முழுமையான தகவலைப் பெற்றுத் தாங்களும் பங்குபெறக் கீழ்வரும் இணைப்பைச் சொடுக்குக.
https://seebooks4u.blogspot.com/2018/01/2018-2.html

2018 தை பிறந்தால் உன் செயலென்ன?

படைப்பின் கமுக்கம் (இரகசியம்)

கடவுள் மனிதனைப் படைத்தார் – அத்துடன்
அவரது பணி முடிந்து விட்டது – அடுத்து
ஆக்குவதும் அழிப்பதும் மனிதன் தான் – அதன்
விளைவுகளைச் சந்திப்பதும் மனிதன் தான் – அதற்கான
அத்தனையும் மனிதனுக்குள் படைத்தவர் கடவுளே!

கடவுளும் அஞ்சுவார்!

ஒரு பக்கத்தில்
எம்மை விழவைத்து
வேடிக்கை பார்க்கும் ஆள்கள்
மறு பக்கத்தில்
விழவைக்கும் வீதிகளின் நிலை
நடுவே நாளும்
விழுந்தெழும்பிப் பயணிக்கும்
நம் வாழ்க்கையை
தன்னம்பிக்கையோடு ஏற்று
வாழத் துணிந்து விட்டால்
கடவுளும்
உன்னைக் கண்டு அஞ்சுவார்!

பின் விளைவு

அன்று
குப்பையில் போட்ட குண்டு மணியும்
ஒரு நாள் தேவைப்படலாம்!
இன்று
என்னைச் செத்துப் போனானென்று
கழித்துவிட்டவர்களும் ஒதுக்கிவைத்தவர்களும்
காலில் விழுந்து வணங்குகின்றனர்!
ஓ! உறவுகளே!
காலமும் நேரமும் தேவையும்
ஒன்றிணைந்துவிட்டால்
குப்பையில் போட்ட எம்மையும்
தேவையெனத் தேடியலைவோர் இருக்கலாம்!
என்றும்
எமது தன்னம்பிக்கையே
எல்லோரையும்
எங்கள் காலில் விழவைக்கிறதே!

முழுமையாகப் பதிவினைப் படிக்கக் கீழ்வரும் இணைப்பைச் சொடுக்குக.
http://www.ypvnpubs.com/2018/01/2018.html

இனிய ஆங்கிலப் புத்தாண்டு வாழ்த்துகள்!

26166847_1820616014647346_1879055485894734987_n

இந்தப் புத்தாண்டு இனிய புத்தாண்டாய்

எந்த உறவுக்கும் அமைய வேண்டுமென

அந்த இறைவனை வேண்டி நிற்கிறேன்!

எல்லோருக்கும்

இனிய ஆங்கிலப் புத்தாண்டு வாழ்த்துகள்!

என் உயிரிலும் மேலான வலைஉறவுகளே!

மின்நூல் வெளியீட்டுப் பணிகளில் நானிருந்தாலும் மின்நூல் தயாரிப்பது பற்றி ஏற்கனவே நான் எழுதியிருந்தாலும்
(http://www.ypvnpubs.com/2016/01/blog-post_26.html) நாற்பது லட்சம் பதிவிறக்கங்களை நோக்கி….”இலவச தமிழ் மின்னூல்கள்” என்றவாறு வைஷாலி வாசகர் வட்டம் வெளியிட்ட பதிவு எனக்குப் பிடித்திருந்தமையாலும் தங்களுடன் பகிருகிறேன்.

வைஷாலி வாசகர் வட்டம்: நாற்பது லட்சம் பதிவிறக்கங்களை நோக்கி….”இலவச தமிழ…: நாற்பது லட்சம் பதிவிறக்கங்களை நோக்கி….”இலவச தமிழ் மின்னூல்கள்”:- http://freetamilebooks.com/ நீங்கள் எழுதிய உங்க…

என் உயிரிலும் மேலான வலைஉறவுகளே!

இப்பதிவினைப் படித்த பின் வலைப்பதிவர்கள் எல்லோரும் மின்நூல்
வெளியிட முன்வாருங்கள்!

%d bloggers like this: