அரங்கில் (மேடையில்) பேசுவதற்குக் கற்றுக் கொள்வோம்

நம்மாளுகள் எங்களோட இருக்கையிலே ஊமையாகக் கிடப்பாங்க, அரங்கிலேறி ஒலிவாங்கியைப் (mic) பிடித்ததும் என்னென்னவோ எல்லாம் பேசிப்போடுவாங்களே… வாய்க்குள்ளாலே கொட்டியதைக் காதிற்குள்ளே உள்வாங்கிய அரங்கில் கூடிய மக்களிடம் கேட்டால் “குடிகாரங்க பேச்சுப் போல இருந்திச்சுங்க…” என்பாங்க…

பேச்சு என்பது வாய்க்கு வந்தபடி பேசுவதல்ல, வணக்கம் கூறி, தலைப்புச் சொல்லி, விரிப்பைக் கூறத் தொடங்கலாம். விரித்துச் சொல்லும் வேளை திருக்குறள் வரிகள், இனிய கருத்துள்ள பாடல் வரிகள், நகைச்சுவைத் துணுக்குகள் ஆகியவற்றுடன் கையை அசைத்துக் காட்டி, முகத்தில் மாற்றம் காட்டிப் பார்வையாளர்களைத் தனது பக்கம் ஈர்த்தவாறு, வாழைப்பழத்தில குண்டூசி ஏற்றினாற் போல தனது பேச்சை அரங்கில் கூடியோரின் உள்ளங்களில் ஏறும் வகையில் பேச்சைத் தொடரலாம். இறுதியாக நன்றி கூறிப் பேச்சை முடித்துக் கொள்ளலாம்.

பேச்சில் நம்பக்கூடிய, சான்றுப்படுத்தக்கூடிய அதாவது சான்றுக்கான எடுத்துக்காட்டுகளுடன் உண்மைகளைத் தொகுத்துக் கொள்ள வேண்டும். சொல்ல வந்த கருத்துக்களுக்கு வெளியே செல்லாமல் பேசுவதே சிறப்பு. முன்கூட்டியே பேச்சின் படிகளை எழுதிவைத்துப் பேசுவதே மேலும் சிறப்பு. ஒருவரது பேச்சைக் கேட்கையிலே விருப்புடன் கூடியிருந்தோர் அமைதியாகக் கேட்டுக்கொண்டிருந்தால், அதுவே சிறந்த பேச்சு எனலாம்.

இதெல்லாம் எதற்குச் சொல்ல வந்தேன் என்றால்… அது… அதுதான்… நீங்களும் ஒரு நாள் மேடையில் ஏறலாம்… மேடையில் ஏறிய பின்னர் நடுங்காமல் தளராமல் பேசலாம் என்று தான்! “மேடையில் பேசலாம் வாங்க” என்றொரு நூலும் வெளிவந்திருக்கிறது. அதையும் தேடிப் படிக்கலாம். எந்த மேடையில் எந்தத் தலைப்பெடுத்துப் பேசினாலும் இடையிலே “தூய தமிழ் பேண முன்வாருங்கள்” என்று நுழைத்து விடுங்கள். அதனால், நாம்மாளுகள் தூய தமிழ் பேணும் எண்ணத்தைப் பின்பற்றலாம்.

அதெப்படி முடியும் என்கிறீர்களா? அதற்குப் பெயர் இளையோடுதல் எனலாம். இது கதைகள் புனையும் போது கையாளப்படும் நுட்பம். இதனைப் பேச்சிலும் கையாளலாம். திண்டுக்கல் லியோனி அவர்களின் பட்டிமன்றம் ஒன்றில் “சொல்ல வேண்டிய கருத்தைச் சொல்லாமல் எங்கை ஐயா சுத்துறாய்?” என லியோனி அவர்கள் கேட்க “மக்களுக்குச் சொல்ல நல்ல எடுத்துக்காட்டாக இருக்குமென அங்க இங்க பாய வேண்டியதாக இருக்கிறதே!” என்று பட்டிமன்றப் பேச்சாளர் ஒருவர் சொன்னார். அவ்வாறு இதனைக் கையாளலாம்.

பேச்சாளர் ஒருவரின் திறமை என்பது கேட்போரைக் கட்டிப்போடுதலிலே தங்கியிருக்கிறது. அதாவது, சொல்ல வேண்டிய கருத்தைச் சொல்லும் வேளை சுவையாகச் சொல்வதோடு, எளிதாக இளையோடி எடுத்துக்காட்டுகளைச் சுட்டிச் சொல்ல வேண்டிய கருத்தை நம்ப வைத்தலிலே சாத்தியப்படுகிறது. அவ்வாறு முயற்சி எடுங்க, அப்போது அரங்கில் (மேடையில்) பேசுவதற்குக் இலகுவாயிருக்கும்.

Advertisements

6 thoughts on “அரங்கில் (மேடையில்) பேசுவதற்குக் கற்றுக் கொள்வோம்

  1. வணக்கம்

    ஒரு பேச்சாளன் போலதான் ஒரு பதிவாளரும் இருக்க வேன்டும் வாசகர்களை ஈர்க்கும் வகையில் ஒவ்வொரு படைப்புக்களும் வெளிவரும் போது…. எழுத்தாளனின் எழுத்துக்கள் மகின்மை பெறும் நன்றாக சொல்லியுள்ளீர்கள் வாழ்த்துக்கள்

    -நன்றி-
    -அன்புடன்-
    -ரூபன்-

பின்னூட்டங்கள் மூடப்பட்டுள்ளது.